சாதாரண ரவை கிச்சடி

தேவையானப் பொருள்கள்:

ரவை_2 கப்
சின்ன வெங்காயம்_7
இஞ்சி_ஒரு சிறு துண்டு
பூண்டு_2 பற்கள்
பச்சை மிளகாய்_2
மஞ்சள் தூள்_1/2 டீஸ்பூன்
உப்பு_தேவைக்கு
கொத்துமல்லி இலை_ஒரு கொத்து
எலுமிச்சை சாறு_1/2 டீஸ்பூன்

தாளிக்க:

நல்லெண்ணெய்_ஒரு டீஸ்பூன்
கடுகு
உளுந்து
கடலைப் பருப்பு
சீரகம்
முந்திரி
பெருங்காயம்
கிராம்பு_1
பிரிஞ்சி இலை_1
கறிவேப்பிலை

செய்முறை:

வெங்காயத்தைப் பொடியாக நறுக்கியும் மிளகாயை நீளவாக்கில் கீறியும் வை.இஞ்சி,பூண்டு தட்டி வை.

ஒரு வாணலியில் சிறிது நல்லெண்ணெய் விட்டு ரவையைக் கொட்டி சூடு வர வறுத்துக்கொள்.எண்ணெய் விடுவது ரவையைத் தண்ணீரில்  கொட்டிக் கிளறும்போது கட்டி தட்டாமல் இருக்கத்தான்.

அதே வாணலியை அடுப்பில் வைத்து எண்ணெய் விட்டு சூடேறியதும் தாளிக்கக் கொடுத்துள்ளப் பொருள்களை ஒன்றன்பின் ஒன்றாகத் தாளித்துவிட்டு முதலில் வெங்காயம் வதக்கு.அடுத்து இஞ்சி,பூண்டு வதக்கிவிட்டு பச்சைமிளகாய் சேர்த்து வதக்கு.நன்றாக வதங்கியதும் ஒன்றுக்கு இரண்டு என தண்ணீர் விட்டு,உப்பு,மஞ்சள் தூள் போட்டு  கொதி வரும் வரை மூடி வை.கொதி நிலை வந்ததும் ரவையை சிறிது சிறிதாகக் கொட்டி ஒரு தோசைத் திருப்பியால் விடாமல் கிளறி விடு.கரண்டிக்குப்  பதிலாக   egg beater  ஐப் பயன்படுத்தினால் கட்டித் தட்டாமல் வரும்.எல்லா ரவையையும் கொட்டிக் கிளறிய பிறகு எலுமிச்சை சாறு விட்டுக் கிளறி,கொத்துமல்லி தூவி  இறக்கு.

இதற்கு தேங்காய் சட்னிதான் பொருத்தமாக இருக்கும்.